inf; പിന്നെ പ്രണയവും വിവാഹവും…; സിനിമയെ വെല്ലും ട്വിസ്റ്റ്

ഒരാൾക്ക് എപ്പോൾ ഏത് രോഗം വരുമെന്ന് ആർക്കും പറയാൻ സാധിക്കില്ല. മെമ്മറി, ചിന്ത, സ്വഭാവം എന്നിവയെ ബാധിക്കുന്ന ഒരു തരം രോഗമാണ് അൽഷിമേഴ്സ്. അത്തരത്തിൽ ഭാര്യയെ മറന്ന ഒരു വ്യക്തി ഒടുവിൽ അവരെ തന്നെ പ്രണയിക്കുകയും വീണ്ടും വിവാഹം കഴിക്കുകയും ചെയ്ത സംഭവമാണ് ഇപ്പോൾ വൈറലാകുന്നത്. അമേരിക്കയിലെ കണക്റ്റിക്കട്ടിൽ താമസിക്കുന്ന പീറ്റർ മാർഷൽ (56) അൽഷിമേഴ്‌സ് ബാധിതനാണ്. ഈ അസുഖം കാരണം അദ്ദേഹം ഭാര്യ ലിസയെ മറന്നു. 2009 ൽ പീറ്റർ മാർഷൽ ലിസയെ വിവാഹം കഴിച്ചിരുന്നു. അൽഷിമേഴ്‌സ് ബാധിച്ച പീറ്ററിനെ എല്ലായ്പ്പോഴും ലിസ തന്നെ പരിപാലിക്കുന്നുണ്ടെന്ന് ഓർമ്മിച്ചിരുന്നു. ഈ വർഷം ഏപ്രിലിൽ പീറ്റർ തന്റെ വീട്ടിൽ ടിവി കാണുകയായിരുന്നു അതിൽ ഒരു വിവാഹ രംഗം നടക്കുന്നു. ഈ രംഗം കണ്ട പീറ്റർ ലിസ തന്റെ സുഹൃത്താണെന്ന് കരുതി ലിസയെ വിവാഹം കഴിക്കാൻ തീരുമാനിച്ചു. പീറ്റർ മാർഷൽ വീണ്ടും ലിസയോട് വിവാഹാഭ്യര്‍ഥന നടത്തുകയും അടുത്തിടെ ഇരുവരും വിവാഹിതരാകുകയും ചെയ്തു. താൻ മുന്നെതന്നെ ലിസയെ വിവാഹം കഴിച്ചിരുന്നുവെന്ന് പീറ്റര്‍ ഇപ്പോഴും ഓർക്കുന്നില്ല എന്നതാണ് വാസ്തവം.

പെൻ‌സിൽ‌വാനിയയില്‍ പീറ്റർ മാർഷലും ലിസയും അയൽക്കാരായിരുന്നു. കുറച്ചുകാലത്തിനുശേഷം ജോലിയുമായി ബന്ധപ്പെട്ട് പീറ്റർ കണക്റ്റിക്കട്ടിലേക്ക് മാറി പക്ഷേ അദ്ദേഹം ലിസയുമായി ബന്ധം പുലർത്തിയിരുന്നു. 2009 ഓഗസ്റ്റ് 13 ന് ഇരുവരും വിവാഹിതരായി. 2017 ന്റെ തുടക്കത്തിൽ പീറ്ററിന് അൽഷിമേഴ്‌സ് രോഗം ബാധിച്ചു കണ്ടെത്തി കാര്യങ്ങൾ മറക്കാൻ തുടങ്ങി. അസുഖം കാരണം വാക്കുകൾ ഓർമിക്കാൻ പീറ്ററിന് പ്രയാസമുണ്ടായിരുന്നു. അത്തരമൊരു സാഹചര്യത്തിൽ 2020 ൽ ലിസ ജോലി ഉപേക്ഷിച്ച് പീറ്ററിനെ പൂർണ്ണമായും പരിപാലിച്ചു. ലിസ പറയുന്നു ‘പീറ്റർ ഒരു ദിവസം ടിവി കാണുകയായിരുന്നു അതിനിടയിൽ പെട്ടെന്ന് എഴുന്നേറ്റ് എന്നോട് പറഞ്ഞു നമുക്ക് അത് ചെയ്യാം. ഞാൻ എന്താണെന്ന് ചോദിച്ചു? അദ്ദേഹം ടിവിയിലേക്ക് ചൂണ്ടിക്കാണിച്ചു. ഞാൻ ചോദിച്ചു നിങ്ങൾക്ക് എന്നെ വിവാഹം കഴിക്കാൻ ആഗ്രഹമുണ്ടോ? അതെ എന്നായിരുന്നു അദ്ദേഹത്തിന്റെ മറുപടി. ഞാനും ഉടനെ സമ്മതം പറഞ്ഞു. 2017 ൽ പീറ്ററിന്റെ മെമ്മറി പോകാൻ തുടങ്ങിയ ശേഷം പീറ്റര്‍ മിക്ക കാര്യങ്ങളും മറന്നുവെന്ന് ലിസ പറയുന്നു. ഒരേ വ്യക്തിയുമായി ഞാൻ രണ്ടുതവണ വിവാഹം കഴിച്ചതിൽ ഞാൻ ഭാഗ്യവതിയാണെന്ന് ലിസ പറഞ്ഞു

Comments: 0

Your email address will not be published. Required fields are marked with *