Flash News

പ്രണയം, പക, ചതി; പ്രേക്ഷക ശ്രദ്ധ പിടിച്ചുപറ്റി ലേവ്യ 20:10

പ്ര‍ണയം, പക, ചതി…. വൈകാരിക മുഹൂർത്തങ്ങളെ കോർത്തിണക്കി ഒരുക്കിയ സസ്പെൻസ് ത്രില്ലർ ചിത്രം ലേവ്യ 20:10 ജനശ്രദ്ധ നേടി മുന്നേറുന്നു. ഒടിടി പ്ലാറ്റ്ഫോമായ ലൈം ലൈറ്റിൽ റിലീസായ ചിത്രം അവിഷ്കാരത്തിലെ വ്യത്യസ്‌തത കൊണ്ടാണ് ശ്രദ്ധേയമാകുന്നത്. ഒരു രാത്രിയിൽ ഒരു വീടിനുള്ളിൽ നടക്കുന്ന സംഭവങ്ങളാണ് ചിത്രത്തിന്‍റെ ഇതിവൃത്തം. ഭർത്താവ് ഇല്ലാത്ത സമയത്ത് കാമുകനെ വീട്ടിലേക്ക് ക്ഷണിക്കുന്ന നീന, ഇതിനിടെ ഓർഡർ ചെയ്യുന്ന ഭക്ഷണവുമായി എത്തുന്നത് നീനയുടെ മുൻ കാമുകൻ. മുൻ കാമുകിയെ കണ്ടതിന്‍റെ ഞെട്ടൽ മാറും മുമ്പ് അവൾ സ്വന്തം ഭർത്താവിനെയും ചതിക്കുകയായിരുന്നുവെന്ന തിരിച്ചറിയലിലൂടെയാണ് കഥ മുന്നേറുന്നത്. ഇതിനിടെയുണ്ടാകുന്ന വൈകാരിക സംഭാഷണങ്ങളും സംഘടന രംഗങ്ങളും ശ്രദ്ധേ നേടുന്നു. നിരവധി സംഘർഷ ഭരിതമായ മുഹൂർത്തങ്ങളിലൂടെ കടന്നു പോകുന്ന ചിത്രം കുടുംബ പ്രേക്ഷകർക്കിടയിലും പ്രചാരം നേടിക്കഴിഞ്ഞു. നീനയുടെ വേഷത്തിലെത്തിയ നിൻസി സേവ്യരുടെ അസാമാന്യ അഭിനയം തന്നെയാണ് ചിത്രത്തിലെ ഹൈലൈറ്റ്. വൈകാരിക രംഗങ്ങളെ തൻമയത്തത്തോടെ നിൻസി കൈകാര്യം ചെയ്‌തു.
നിൻസി സേവ്യർ, സൂര്യലാൽ, അഖിൽ എസ്. കുമാർ, അനീഷ് ആനന്ദ് എന്നിവരാണ് അഭിനേതാക്കൾ.
ശശി നാരായൺ ഛായാഗ്രഹണവും ഫിലോസ് പീറ്റർ എഡിറ്റിങ്ങും നിർവഹിക്കുന്നു. കലാസംവിധാനം ബിജു മാധവ്, ചീഫ് അസോസിയേറ്റ് ഡയറക്ടർ ഹരീഷ് പാലപ്പുഴ, പ്രൊഡക്‌ക്ഷൻ കൺട്രോളർ സിജു ചക്കുംമൂട്ടിൽ, കുങ്ഫു സജിത്താണ് ആക്ഷൻ കോറിയോഗ്രാഫി ഒരുക്കിയിരിക്കുന്നത്.
ഓഡിയോ ഡിസൈനിങ്ങും ബീജിഎമ്മും ബിനോയി ജോസഫിന്‍റേതാണ്. ചമയം സുധി കട്ടപ്പന, വസ്ത്രാലങ്കാരം ജെസി എബ്രഹാം. ഗാനരചന : ബിജു കമലും, സംഗീതം: രാജേഷ് സാംസ്, മനു നാരായണൻ എന്നിവരും നിർവഹിച്ചിരിക്കുന്നു. സ്റ്റിൽസ് അനുമോദ്, പോസ്റ്റർ ഡിസൈൻ, റിയോ മീഡിയ ഹബ്ബ്, വാർത്താ പ്രചരണം; കാസറ്റ് കമ്പനി.

സിനിമ കാണുവാൻ
Click on the link to view it via Android mobile! – https://bit.ly/3G2XYIj
Click on the link to view it via the website! -https://bit.ly/3F5dty5

Comments: 0

Your email address will not be published. Required fields are marked with *