Flash News

ടെക്‌നോയുടെ പുതിയ സ്‌മാർട്ട്‌ഫോൺ സ്‌പാർക്ക് 8 ഇന്ത്യയിൽ അവതരിപ്പിച്ചു.

ടെക്‌നോയുടെ പുതിയ സ്‌മാർട്ട്‌ഫോൺ സ്‌പാർക്ക് 8 ഇന്ത്യയിൽ അവതരിപ്പിച്ചു. MediaTek Helio G25 പ്രൊസസറും 6.56-ഇഞ്ച് HD+ സ്‌ക്രീനും ടെക്‌നോ സ്പാർക്ക് 8ൽ നൽകിയിരിക്കുന്നു. ഇത് ഇന്ത്യൻ ഭാഷാ  പിന്തുണയോടെയാണ് വരുന്നത്.  അതുകൊണ്ട് തന്നെ ഇന്ത്യയിലെ ജനങ്ങൾക്ക് തടസ്സങ്ങളില്ലാത്ത സ്മാർട്ട്ഫോൺ അനുഭവം നൽകുമെന്ന് കമ്പനി അവകാശപ്പെടുന്നു.

Tecno Spark 8 വിലയും ലഭ്യതയുംTecno Spark 8 ഒരൊറ്റ സ്റ്റോറേജ് വേരിയന്റിലാണ് വരുന്നത്. 4 ജിബി റാമിനൊപ്പം 64 ജിബി ഇന്റേണൽ സ്റ്റോറേജ് കപ്പാസിറ്റിയും ഇതിനുണ്ട്. അറ്റ്ലാന്റിക് ബ്ലൂ, ടർക്കോയ്സ് സിയാൻ, ഐറിസ് പർപ്പിൾ എന്നീ നിറങ്ങളിൽ സ്മാർട്ട്ഫോൺ വാങ്ങാം. 10,999 രൂപയാണ് ഇതിൻ്റെ വില.രാജ്യത്തുടനീളമുള്ള ഓഫ്‌ലൈൻ റീട്ടെയിൽ സ്റ്റോറുകളിൽ നിന്ന് Tecno Spark 8 വാങ്ങാം. ഇന്ന് മുതൽ (നവംബർ 26) തന്നെ ഇതിന്റെ വിൽപ്പന ആരംഭിച്ചു.  Tecno Spark 8-ന്റെ സവിശേഷതകൾ16MP AI ഡ്യുവൽ ക്യാമറ സെറ്റപ്പ് ടെക്‌നോ സ്പാർക്ക് 8 ന്റെ പിൻഭാഗത്ത് നൽകിയിരിക്കുന്നു. AI ബ്യൂട്ടി, സ്‌മൈൽ ഷോട്ട്, AI പോർട്രെയിറ്റ്, HDR, AR ഷോട്ട്, ഫിൽട്ടറുകൾ, ടൈം-ലാപ്‌സ്, പനോരമ, സ്ലോ മോഷൻ, വീഡിയോ ബൊക്കെ തുടങ്ങി നിരവധി ഷൂട്ടിംഗ് മോഡുകൾ ഇതിലുണ്ട്.

സെൽഫി പ്രേമികൾക്കായി, മുൻവശത്ത് ഇരട്ട ഫ്രണ്ട് ഫ്ലാഷോടുകൂടിയ 8 മെഗാപിക്സൽ ക്യാമറ നൽകിയിട്ടുണ്ട്. ഇതിനകം സൂചിപ്പിച്ചതുപോലെ, സ്മാർട്ട്ഫോൺ നിരവധി ഇന്ത്യൻ ഭാഷാ പിന്തുണയോടെയാണ് വരുന്നത്. 6.56 ഇഞ്ച് HD+ സ്‌ക്രീനാണ് ഇതിനുള്ളത്. ഇതിന്റെ ഏറ്റവും ഉയർന്ന ബ്രൈറ്റ്നസ് 480 നിറ്റ് വരെയാണ്.  മീഡിയടെക് ഹീലിയോ ജി25 പ്രൊസസറാണ് ഫോണിൽ നൽകിയിരിക്കുന്നത്. ഹൈപ്പർ എഞ്ചിൻ സാങ്കേതികവിദ്യയാണ് ഇതിൽ ഉപയോഗിച്ചിരിക്കുന്നത്. ഗെയിമിംഗ് സമയത്ത് ഇത് തടസ്സമില്ലാത്ത പ്രകടനം നൽകുമെന്ന് കമ്പനി അറിയിച്ചു. 5000mAh ബാറ്ററിയാണ് ഇതിനുള്ളത്. ഡിടിഎസ് സൗണ്ട് ഫീച്ചറോടെയാണ് ഈ ഫോൺ എത്തുന്നത്.

Comments: 0

Your email address will not be published. Required fields are marked with *