Flash News

പുത്തൻ മിഡ് റേഞ്ച് സ്മാർട്ട് ഫോൺ പുറത്തിറക്കി വിവോ; വിലയും ഫീച്ചറുകളും ഇങ്ങനെ

മിഡ് റേഞ്ച് സ്മാർട്ട് ഫോണുകളുടെ ശ്രേണിയിലേക്ക് പുത്തൻ ഫോൺ കൂട്ടി ചേർത്ത് വിവോ. വൈ54എസ് 5ജി എന്ന പുതിയ മോഡൽ വിവോ പുറത്തിറക്കി. ഏകദേശം 19,700 രൂപയാണ് ഫോണിന്റെ വില. ഒരുപാട് ഡിസൈന്‍ മാറ്റങ്ങള്‍ വരുത്തിയിട്ടില്ലെങ്കിലും ഇപ്പോള്‍ ചതുരത്തിലുള്ള ക്യാമറ മൊഡ്യൂളിന് പുറമെ ഒക്ടാ കോര്‍ ഡൈമെന്‍സിറ്റി 700 ചിപ്സെറ്റ് നല്‍കിയിരിക്കുന്നു. ബ്ലൂ, ഗ്രേ കളര്‍ ഓപ്ഷനുകളിലാണ് ഫോൺ വരുന്നത്. ഫോണിന്റെ വലതുവശത്ത് സൈഡ് മൗണ്ട് ചെയ്ത ഫിംഗര്‍പ്രിന്റ് സ്‌കാനര്‍ സ്ഥാപിച്ചിരിക്കുന്നു. ചുവടെ, ഒരു സ്പീക്കര്‍ ഗ്രില്‍, ഒരു ടൈപ്പ്-സി പോര്‍ട്ട്, 3.5 എംഎം ഓഡിയോ ജാക്ക് എന്നിവയുമുണ്ട്.

1600×720 പിക്‌സല്‍ റെസല്യൂഷനുള്ള 6.51 ഇഞ്ച് എല്‍സിഡി പാനലും ഡൈമെന്‍സിറ്റി 700 എസ്ഒസി ആണ് ഇത് നല്‍കുന്നത്. 13-മെഗാപിക്‌സല്‍ പ്രൈമറി സെന്‍സറും 2-മെഗാപിക്‌സല്‍ ഡെപ്ത് സെന്‍സറും ഉള്‍പ്പെടുന്ന ഡ്യുവല്‍ റിയര്‍ ക്യാമറ സിസ്റ്റം സജ്ജീകരിച്ചിരിക്കുന്നു. മുന്‍വശത്ത് സെല്‍ഫികള്‍ക്കായി 8 മെഗാപിക്‌സല്‍ ഷൂട്ടര്‍ ഉണ്ട്. 18 വാട്‌സ് ചാര്‍ജിംഗ് പിന്തുണയുള്ള ഈ ഉപകരണത്തില്‍ 5000 എംഎഎച്ച് ബാറ്ററിയാണ് ഉപയോഗിച്ചിരിക്കുന്നത്.

ബ്ലൂടൂത്ത് 5.1, ജിപിഎസ്, വൈഫൈ, 3.5 എംഎം ഹെഡ്ഫോണ്‍ ജാക്ക് എന്നിവയും അതിലേറെയും ഇതിലെ കണക്റ്റിവിറ്റി ഓപ്ഷനുകളില്‍ ഉള്‍പ്പെടുന്നു. ഗെയിമുകള്‍ക്ക് സഹായകമാകുന്ന ചില സവിശേഷതകള്‍ ഉണ്ട്. ഇതില്‍ ഒരു ഇ-സ്പോര്‍ട്സ് മോഡ്, ഗെയിം സ്പേസ് 5.0, 4D വൈബ്രേഷനുകള്‍ എന്നിവ ഉള്‍പ്പെടുന്നു. 6 ജിബി റാമിലും 128 ജിബി സ്റ്റോറേജ് വേരിയന്റിലും ഈ ഫോണ്‍ ലഭ്യമാണ്.

Comments: 0

Your email address will not be published. Required fields are marked with *